19. Dezember
S’Chlausweekend isch zwar scho lang verbii
aber es Redi-Sprüchli muess gliich sii.
Mir nutzed die Glegeheit und stelled eus vor
mached eu ready und sind ganz Ohr.
Vom Mogli hend ihr sicher all scho mal ghört
wenn er eu wegem Lagerbricht stört.
Drum denked scho während em Lager dra
nachher isch’s schön, die Erinnerig z’ha.
D’Flit isch eusi Madame Étoile
und de Style-Guru – klare Fall.
D’Piri und d’Luciola sind neu debii
sie tüend d’Gruppe vorstelle und Aktuells dri.
D’Navaja bringt d’Infos uf de neusti Stand
und schüsch gaht’s mit em Usmalbild ganz entspannt.
D’Toomai verzellt als Götterbote vo Olymp
was mer dur de Pfadi-Alltag eso günnt.
D’Kaluah isch eusi Rätselqueen
oder git’s das Mal es Pfadi-Meme?
D’Karibu tuet alte Olymper:inne Frage stelle
im «Was macht eigentlich…?» tüends us ihrem Lebe verzelle.
Ohni d’Barilla wär eusi Titelsiite lame
mit ihrne kreative Idee bechunnt sie vil fame.
De Echo grabt im Archiv Perle us
und findet peinlichi Föteli – o Gruus!
De Pluto meldet sich mit vilne Bricht z’Wort
egal öb Rover oder APV, er isch vor Ort.
Und last but not least isch vode Partie
dihei oder uf Reise, euse Redi debii!